Flax Family

Lenowe rostliny (Linaceae) su swójba symjencowych rostlinow (Spermatophyta).

Systematikaa rozšěrjenje

Tute kosmopolity wobsedźa družiny wot conow trajneho zmjerzka hač do tropow.

Linaceae so do dweju podswójby, Linoideae a Hugonioideae rozdźěluje. Eksistuje cyłkownje něhdźe 10 hač 16 rodow z něhdźe 290 hač 300 družinow.

Linoideae

Linoideae su přewažnje zelišćowe rostliny ze zwjetša wuskimi łopjenami a wutworja jenož kapslowe płody. Rozeznawa so šěsć hač wósom rodow z něhdźe 240 družinami:

• len^[1][2][3] (Linum): Tutón ród je kosmopolitiski z něhdźe 180 družinami.
  • hórki len (Linum catharticum)
  • jěndźelski len (Linum leonii)
  • lěpjacy len (Linum viscocum)
  • něžny len (Linum tenuifolium)
  • prawy len (Linum usitassimum)
  • rakuski len (Linum austriacum)
  • wutrajny len (Linum perenne)
  • žołty len (Linum flavum)
• Hesperolinon (A.Gray) Small: Z něhdźe 13 družinami w Kaliforniskej.
• Anisadenia Wall. ex Meisn.: Z jenož dwěmaj družinomaj w Centralnej Aziji.
• Tirpitzia Hallier f.: Z jenož dwěmaj družinomaj w Chinskej a Juhowuchodnej Aziji.
• stozornik^[4] (Radiola) Hill: Z jenož jednej družinu:
  • lenowy stozornik (Radiola linoides)
• Reinwardtia Dumort.: Z dwěmaj družinomaj w Chinskej a na Indiskim subkontinenće.
  • Reinwardtia indica Dumort.
  • Reinwardtia trigyna (Roxb.) Planch.
• Sclerolinon C.M.Rogers: Z jenož jenička družina:
  • Sclerolinon digynum (A.Gray) C.M.Rogers: W centralnej a zapadnej Americe.

Hugenioideae

Hugenioideae (syn.: Hugoniaceae Arn.) su zwjetša wodrjewjace rostliny, kotrež dosć šěroke łopjena wobsedźa a póčkate płody abo druhe płodowe typy wutworja. Rozeznawa so štyri hač wósom rodow z něhdźe 61 družinami:

• Hebepetalum Benth.
• Hugonia L.
• Indorouchera Hallier f.
• Philbornea Hallier f.
• Roucheria Planch.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 233.
2. ↑ W internetowym słowniku: Flachs
3. ↑ W internetowym słowniku: Lein
4. ↑ W internetowym słowniku: Zwerglein

Wotkazy

Hlej wotpowědne dataje we Wikimedia Commons:
Lenowe rostliny

• Swójba při GRIN. (němsce)