Aspargo

'A spalece, o pure sparece, (d''a grieco aspharagos e d''a persiano asparag, ca significa sguiglio) pô sengà sia 'a pianta sana ca 'e sguiglie d''a pianta Asparagus officinalis; isso tene particulare pruprietà diuretiche, vene apprezzato d''e buongustaje e ha ê spalle na storia meliunaria. Issa è na specia dioica, zoè cu na distinzione ntra pianta maschio e femmena: solo 'e ffemmene purtano 'e frutte e piccerille bbacche russe cuntenente semmente nire.