Common Mustard

Nagriž (latin.: Brassica rapa) om üks'vozne vai kaks'vozne heinäsine kazmuz, Kapust-heimon Kapustižed- (latin.: Brassicaceae), vai Ristänikoižed-sugukundan (latin.: Cruciferae) erik. Lugetas läz kümnikad alaerikoid.

Kazvatand

Ottihe kul'turiviruimha enamba 40 voz'sadad tagaz. Kodima — Päivlaskmaine Azii. Kazvatihe Amuižes Egiptas, Grekanmas, Rimas. Oli Venän päižeks maploduks edel kartohkan otandad kävutamižhe.

Jur' kazvab sanktaks, südäin oleleb pakuine vai vauged. Jur'lehtesed oma järedad. Änikoičii seikh kazvab kahtel vodel vai sil-žo vodel ku ištutihe värin, seikh om korged i om äi lehtesid. Jagadas aigaližhe i möhäižhe, möhembaine kožub varha tal'veks. Voib kazvatada aigaližen nagrhen kaks' satust vodes.

• Nagrhen änikod

• Nagrhen semned

• Nagrhen jured

Nagrhen sötmižsortad nimitasoiš turnepsaks.

Nagrheze sidotud vepsän tärtused

• Babu — kuivatud nagrhen haukuine (vai kartohkan).
• Haudad, haudnikad — hauttud nagriž.
• Haudpirg — pirg hauttud nagrhenke.
• Kopreh — nagrhen kogo pöudol.
• Labohtez — pirg nagrhenke vai kartohkanke.
• Lohkoi — vezipudr (tahtaz) rugižjauhospäi nagrhenke.
• Nagrižpirg — pirg nagrhenke.
• Paštikaine, paštikaz — pašttud nagriž.
• Repoi — pašttud vai hauttud nagrhen südäivezi, vai vas nagrhespäi.

Nagrheze sidotud vepsän muštatišed da ozoitesed

Muštatišed

• Ei karged nagriž ezmäižeks hapne.

Ozoitesed

Kehker ku kudmaine, viher ku vast (nagriž).

Homaičendad

Irdkosketused

• Kut endo nagr'hen semendolim // Vepsän kelen korpus. — #97.
• Kut tehtas babud nagrhespäi // Vepsän kelen korpus. — #98.
• Kut tehtas repoin' nagrhespäi // Vepsän kelen korpus. — #99.