الأسماء في صفحات التنقل
Соотон гуйванга - Asio otus (урьд: Stix otus) нь Европ, Ази, Хойд Америкт амьдрах Уулийнхан овгийн нэг зүйл шувуу юм.
Энэхүү гуйванга нь дундаж хэмжээний, 31-37 см, далавчаа дэлгэсэн урт 86-98 см байна. Толгойн орой төв хэсэгт хардуу босоо чихний туг өдтэй ба бусад шар шувуунаас том харагдуулах аж. Эмэгчин нь илүү биеэр том ба арай бараан зүстэй. Соотон гуйвангын бордуу өд сөд нь хөндлөн судалтай, мөн хөлийн хуруу нь өд сөдөөр бүрхэгдсэн байдаг.
Тэд задгай талбайн дэргэдэх ой модонд амьдрах ба сэрүүн бүсийн зарим нь өвлийн улиралд өмнө зүгт нүүн шилждэг.
2-7 сар үржлийн үе бөгөөд голдуу шилмүүст модонд бусад шувуудын хуучин үүрэнд үүрлэнэ. Дундажаар 4-6 өндөг гаргаж 25-30 хоног дарна. Соотон гуйванга шөнийн цагт анд гарах ба ойр төстэй шар шувуу болох Хулгар гуйвангатай адил урт далавчтай юм. Тэдний гол идэш тэжээл нь мэрэгч, жижиг хөхтөн болон шувууд болно.
Соотон гуйванга - Asio otus (урьд: Stix otus) нь Европ, Ази, Хойд Америкт амьдрах Уулийнхан овгийн нэг зүйл шувуу юм.
