Blackboard Tree

Wit Pulé Putih kang lagi ngembang

Pulé putih duwé jeneng élmiyah Alstonia scholaris utawa Echites scholaris ya iku wit-witan saka kulawarga Apocynaceae. Wit iki dhuwuré bisa nganti 50 mèter lan dhiamèter galihé 200 séntimèter. Galihé wernané klawu enom. Ing sing cawang lengkok-lengkik iki ana tlutuh putih kang rasané pait. Godhongé rosét werna ijo tuwa. Kembangé majemuk werna putih. Wohé kaya polong lan gumantung ing wit. Woh iki bisa pecah nalika wis meteng.

Biologi lan Ékologi

Goodhong Pulé putih

Pulé putih tuwuh nganggo wiji. Wiji iki kasebar dening angin bisa uga ditandur kanthi cara stèk galih.^[4] Kembangé mekrok ing mangsa katiga. Pulé Putih ditemokaké ing Asia. Wit iki tuwuh ing Pakistan, Sri Lanka, Indhi, Bangladesh, Laos, Australia, nganti Solomon. Ing Indonésia tetuwuhan iki thukul ing Sumatera, Papua nganti Nusa kidul wetan. Pulé Putih urip ing lemah kang masir lan kungkum ing banyu. Bisa uga ing pèrèng lan pundhung kang dhuwuré 0-1000 méter ing sadhuwuring samodra.

Piguna

Kayu Pulé putih

Kayu Pulé putih iki kelebu ing kayu ora awèt. Saéngga dipigunakaké ing konstruksi entheng ing njero omah. Bisa uga didadekaké bubur kertas kanggo piranti gawé pulp panggawé dluwang. Sakliyané iku, kanggo piranti panggawé papan tulis.^[5] Godhong Pulé putih duwé khasiat kanggo nambani lara sifilis lan béri-béri. Déné tlutuhé kanggo antiseptik kuman. Wijiné bisa kanggo tamba awak panas, pipis manis, radhang ginjel, malaria,^[6] hipertensi lan cacingen.

Rujukan

1. ↑ World Conservation Monitoring Centre (1998). "Alstonia scholaris". The IUCN Red List of Threatened Species (IUCN) 1998: e.T32295A9688408. doi:10.2305/IUCN.UK.1998.RLTS.T32295A9688408.en.
2. ↑ GBIF.org (07 June 2018) GBIF Occurrence Download https://doi.org/10.15468/dl.eokqvq Alstonia scholaris (L.) R.Br.
3. ↑
4. ↑ Partomihardjo, Tukirin dkk. (2014). Jenis-Jenis Pohon Penting di Hutan Nusakambangan. Jakarta: LIPI Pers bersama Yayasan Pustaka Obor Indonesia. ISBN 978-979-799-804-2.
5. ↑ "Manfaat Pohon Pule".
6. ↑ "Khasiat Tanaman Pulai".