Abuferriw neɣ Tawacult n ibuferriwen (Assaɣ ussnan: Paridae) d tawacult n igṭaṭ yettidiren deg umadal amzikan d Marikan n Ugafa, Abuferriw d aylal meẓẓiyen anda ableɣ-is yettili gar n 10 cm ar 22 cm, Aṭas deg telmas n twacult-a ttidiren zdat n imdanen anda ttafen učči-nsen am yifsan.
Ass-a deg tmetti Taqbaylit aylal-a (Abuferriw) yettwassen s yisem n Abuḥeddad maca deg tidet isem-a yekka-d seg tutlayt Taserɣint (طائر الحداد).
Anagar tiwsitin tiynelmasin, yakk tilmas n ubuferriw d tid yettemcabin s waṭas deg talɣa, Dɣa tawacult-a yettwassnen d akken d tawacult anda yettemcabin igmamen-is (tias-is) akk, Teɣzi tagejdant n telmas n ubuferriw yettili gar n 10 ar 16 cm yakk d 9 ar 21 cm i tewsitin tiynelmasin ma d azuk yettili gar n 7 ar 29 g yakk d 5 ar 49 g i tewsitin tiynelmasin, S umata ifurken igejdanen n ubuferriw ttaken-d seg yiniten yemgaraden n wafrawen-is.
Aqamum
Aqamum n ubuferriw meẓẓiy maca llan wid ihrawen d wid sdiden (rqiqen) s unect (ɛla ḥsab) n wučči ɣef wacu yegguni, Acku tilmas iy tetten iburɣas lant (sɛant) iqamumen sdiden, ma d tilmas iy tetten ifsan iqamumen-nsent zhur-it.
Abuferriw d aylal yettidiren deg waṭas n yidgan n umadal anda yettidir deg umur ameqran n imenẓawen n Uruppa d Asya d Tefriqt d Marikan n Ugafa, Ula di tmurt n Iqbayliyen llant kra n telmas am ubuferriw azegzaw.
S unect n usismel n umnir (alqem 5.2, 2015) n uswir amesnaylal agreɣlan
Abuferriw neɣ Tawacult n ibuferriwen (Assaɣ ussnan: Paridae) d tawacult n igṭaṭ yettidiren deg umadal amzikan d Marikan n Ugafa, Abuferriw d aylal meẓẓiyen anda ableɣ-is yettili gar n 10 cm ar 22 cm, Aṭas deg telmas n twacult-a ttidiren zdat n imdanen anda ttafen učči-nsen am yifsan.
