Common Sand Boa

அயகரம்^[2] (Gongylophis conicus) என்பது ஒரு நச்சுத் தன்மையற்ற பாம்பு. இது தன் இரையை நெரித்துக்கொன்று பின்னர் உட்கொள்ளும் என்பதால் இது ஒரு மலைப்பாம்பு வகையாகும். இதை மண் மலைப்பாம்பு என்றும், சிறிய மலைப்பாம்பு என்றும், மணியன் என்றும் அழைப்பர்.

உடலளவு

• பிறக்கும் போது -- 12.5 செ.மீ
• வளர்ந்த பிறகு -- 50 செ.மீ
• அதிகவளவாக -- 100 செ.மீ

மண் மலைப்பாம்பு

உடல் தோற்ற விளக்கம்

• சிறிய, தடித்த உடலுடையது.
• தலை மற்றும் வாலின் செதில்கள் அதிகளவு கீலுடையது [சில சமயங்களில் கணுக்களாகவும் இருப்பதுண்டு]
• சிறிய கண்ணும் செங்குத்தான கண்மணியும் உடையது.
• மிகச்சிறிய வாலுடையது.

நிறம்

• பல்வேறு நிறங்களையுடையது : செம்பழுப்பு, மஞ்சள் கலந்த வெள்ளை, கரும்பழுப்பு அல்லது கருப்பு; சீரற்ற திட்டுகள் இப்பாம்பை கண்ணாடி விரியனைப்போல தோற்றமளிக்கச் செய்கின்றன.
• உடலின் கீழ்ப்பகுதி மஞ்சள் கலந்த வெண்ணிறம்.

இயல்பு / பழக்கவழக்கம்

• இரவில் நடமாடக்கூடியது; ஆனால் பகலில் மட்டுமே வேட்டையாடும்.
• இரையை நெரித்துக் கொல்லும்.
• எலி, பெருச்சாளி போன்ற கொறித்துண்ணிகளின் வளைகளில் அதிகளவு காணப்படும்.
• பதுங்கியிருந்து தாக்கும் முறையைப் பின்பற்றி பறவைகள் மற்றும் ஊர்வன ஆகியவற்றையும் வேட்டையாடும்.

குட்டிகளை ஈனும் முறை

• 6 முதல் 8 குட்டிப்பாம்புகளை ஈனும்.
• ஈனும் மாதங்கள் : மே முதல் சூலை.

பிற முக்கிய இயல்புகள்

தொந்தரவு தரப்பட்டால், உடலை உப்பச்செய்து விரியன் பாம்புகளைப் போல் இவை கொத்தும். ஆனால் இவற்றிற்கு நஞ்சு இல்லாததால் மாந்தருக்கும் பிற பெரிய விலங்குகளுக்கும் உயிரிழக்கும் வாய்ப்பு இல்லை.

பரவல்

• இந்தியா முழுவதும் [வடகிழக்கு, அந்தமான்-நிக்கோபார், இலச்சத்தீவுகள் நீங்கலாக]
• பாகிஸ்தான், நேப்பாளம், வங்கதேசம் மற்றும் இலங்கை.

உருவ ஒற்றுமையுள்ள பிற பாம்புகள்

• சிறிய அயகரப்பாம்புகள் சுருட்டைப்பாம்புகளைப் போலவும், வளர்ந்தவை கண்ணாடி விரியன்களைப் போலவும் தோற்றம் அளிக்கின்றன.

தகவல் உதவி

Snakes of India - The Field Guide -- இரோமுலசு விட்டேக்கர் மற்றும் அசோக் கேப்டன்

சொல் உதவி

1. ↑ McDiarmid RW, Campbell JA, Touré T. 1999. Snake Species of the World: A Taxonomic and Geographic Reference, vol. 1. Herpetologists' League. 511 pp. ISBN 1-893777-00-6 (series). ISBN 1-893777-01-4 (volume).
2. ↑ [1]