Le catto a pedes nigre[1] (Felis nigripes) es un felino del regiones sic del sud de Africa. Illo es le specie le plus parve del cattos e probabilemente es un cognato proxime del catto del deserto.
Le catto a pedes nigre ha un pelle brun clar, sur le qual se extende grande maculas e lineas nigre. Le patas es coperite de anellos large e obscur. Le plantas del pedes es totalmente nigre e pilose. Etiam le puncta del cauda spisse e curte es nigre. Le naso es micre, le aures es grande, e le testa es parve, large e oval. Le catto a pedes nigre attinge un longitude de 27 a 50 centimetros e un peso de 1 a 3 kilogrammas. Le cauda es inter 13 e 20 centimetros de longitude.
Iste catto es un animal nocturne e solitari que se activa duo o tres horas post le poner del sol. Illo chassa principalmente mammiferos minor como le mus, gerbillo e altere rodentes e musaraneas, ma etiam altere parve animales como lacertas, parve aves, araneas, termites e locustas. Illo es un bon cavator e attrappa multe predas per excavar los. Le catto a pedes nigre obtene liquido sufficiente ab su alimentos e rarmente o nunquam ha le necessitate de biber.
Post un gestation de 63 a 68 dies, duo o tres juvenes nasce in novembre o decembre. Le masculo non adjuta al cura del juvenes.
Le catto a pedes nigre vive in le semidesertos, steppas e savannas aperte e sablose de Africa del sud, Botswana e Namibia, assi como le Capo occidental, le Kalahari e le Karoo. Illo prefere le terras a vegetation sparse, ma require arbustos, polline de herba o un termitiera in le quales celar se pro periculo.
Le catto a pedes nigre (Felis nigripes) es un felino del regiones sic del sud de Africa. Illo es le specie le plus parve del cattos e probabilemente es un cognato proxime del catto del deserto.
