Суть еще иншы вызнамы того понятя → Кротон.
Кро́тон, (лат.) Crōton — род ростлин родины Молочковитых, (лат.) Euphorbiaceae, обсягуючый до 1200 видох,[1][2] росширеных в тропичных и субтропичных пасмах.[3][4]
Мать форму стромика, корчика або травы. Плоды хлупаты або лушпинковаты. Листкы алтернуючы, нечленены. Мать острый пекучый сок. Мужскы цвѣткы (на рис. 1 и 2) мають 5-листый келих и 5-листу хлупату коруну. Тычинкы в числѣ 10, 12 и веце суть умѣщены по 5, а вдну коруны по 2 або 3. Женскы цвѣткы (на рис. 6) мають листкы келиха зростнуты до даякой довжкы, коруну редуковану на 5 зростнутых слызникох (жляз). Цвѣты стоять в колосах або грознах, в котрых женскы цвѣткы суть положены ниже. Плод мать трикоморну ташку, в котрой выростають три семена, при дозрѣваню ся ташка пукать.[4]
Невысокый вѣчнозеленый стромик, або кряк, ростучый в природѣ в южной и юговосточной Азии, а тыж култивованый во многых краях. Насѣня (semen, grana Tiglii) силно проганяюче, обсягуе до 50% отровного кротонового олаю (oleum crotonis), хоснованого во фармакологии. Двадцять капок того олаю можуть быти смертелнов давков. Подля мадярскых лѣкарницкых предписох максимална разова давка 0,05 г[3], подля российскых 1–2 капкы.[1]
Суть еще иншы вызнамы того понятя → Кротон.
Кро́тон, (лат.) Crōton — род ростлин родины Молочковитых, (лат.) Euphorbiaceae, обсягуючый до 1200 видох, росширеных в тропичных и субтропичных пасмах.
