Campethera punctuligera[2] ye una especie d'ave piciforme de la familia Picidae que vive n'África Occidental y Central.
El pito chiscáu mide unos 22 cm de llargu. Tien la forma típica de los picatueros, col plumaxe de les partes cimeres verdes chiscaes de pequeños llixos ablancazaos, sacante nel obispillo y la cola onde tien llistes clares. Los sos partes inferiores son amarellentaes con llixos escuros nos lladrales y el pechu. La so cabeza ye ablancazada coles mexelles y los cazu abuxaes, tamién con llixos escuros.
Como otros picatueros esta especie tien el picu recto y apuntiao, una cola ríxida que-y apurre sofitu cuando ta nos tueros y pates zigodáctilos, con dos deos escontra alantre y dos escontra tras. Tien una llarga llingua qu'usa pa prindar inseutos.
Los machos adultos tienen bigoteras y el pileu coloraos. Les femes tienen la frente escura y la metá posterior del pileu colorada, escarecen de les bigoteras coloraes. Los xuveniles paecer a les femes, pero les partes verdes del so plumaxe son más escures.
Como los demás carpinteros ye una especie insectívora. Ye un especialista en termites, y vése-y frecuentemente alredor de los termiteros.
La so llamada típica consiste nun wik-wik-wii-wii-yuu alto.
Añera en buecos nos árboles, con frecuencia les palmeres aceiteres, onde suelen poner dos o tres güevos blancos.
Habita nos montes y zones de carba principalmente d'África Occidental y Central, nuna franxa que s'estiende dende Senegal hasta Sudán del Sur.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Campethera punctuligera ye una especie d'ave piciforme de la familia Picidae que vive n'África Occidental y Central.
