La termobio (Thermobia domestica, foje listigita kiel Thermophila furnorum) estas malgranda insekto (tipe 1-1.5 cm) simila al la Lepismo, ambaŭ en la ordo Thysanura.
Termobioj preferas sufiĉe altajn temperaturojn kaj postulas iom da humideco, kaj povas esti trovitaj en bakejoj kaj proksime de vaporkaldronoj aŭ fornoj. Ili nutriĝas je vasta gamo de karbonhidratoj kaj ameloj, kiuj estas ankaŭ proteinofontoj kiel ekzemple hunda manĝaĵo, faruno kaj librobindaĵoj. Ili estas distribuitaj ĉie en la plej multaj mondopartoj kaj estas normale trovitaj eksterdome sub ŝtonoj, foliorubo kaj simile, sed ankaŭ aperas endome kie ili estas konsiderataj damaĝbestoj. Endome ili tamen estas ĉefe nur ĉagrenaĵo, ĉar ili ne kaŭzas gravan difekton, kvankam ili povas kontamini manĝaĵon, difekti paperovarojn, kaj makuli vestaĵojn. Alie ili estas plejparte sendanĝeraj.
Ĉe 1,5-4,5 monatoj de aĝo la ina termobio komencas demeti ovojn se la temperaturo estas ĝusta (32-41 °C). Ĝi povas demeti ĝis 6000 ovojn dum sia vivo. Post inkubacio (12-13 tagoj), la nimfoj eloviĝas. La kompleta vivociklo povas esti pasigita en 2 ĝis 4 monatoj; tiel pluraj generacioj povas rezulti ĉiun jaron.
