Schubreptielen

Ezkatatsuak (Squamata) narrastien ordenarik handiena da, tartean muskerrak eta sugeak dituena^[1]. Ordena honen kideen ezaugarri nagusia ezkatak izatea da. Narrasti ordenen artean tamaina aldaketa gehien duena da, 16 milimetrozko Sphaerodactylus ariasae izeneko geko eta 8 metroko anakonda berde (Eunectes murinus) artean izanik.

Taxonomia

Ezkatatsuak betidanik hiru azpiordenatan banatuak izan ziren:

• Lacertilia edo saurioak - muskerrak
• Serpentes edo ofidioak - sugeak
• Amphisbaenia - lurpeko sugeak

Hala ere, ematen du saurioak parafiliatikoak direla eta bi azpiordenatan sailkatu dituzte, nahiz eta sailkapena behin betikoa izan ez. Hona hemen sailkapen modernoa^[2]:

• Iguania azpiordena (iguanak eta kameleoiak)
  
• Scleroglossa azpiordena
  • Gekkota infraordena (gekoak)
  • Anguimorpha infraordena (baranoak eta ziraunak)
  • Scincomorpha infraordena (Scincidae, Teiidae eta europar muskerrak)
• Serpentes azpiordena (sugeak)
  • Alethinophidia infraordena (sugegorriak, boak eta kobrak)
  • Scolecophidia infraordena
• Amphisbaenia azpiordena (Lurpeko sugeak)

Erreferentziak