D Hundsbarbe (Barbus caninus) isch e Süesswasserfisch wo nu z Norditalie und im Tessin haimisch isch. Si ghöört zo de gföördete Fischarte.
D Hundsbarbe isch e längliche Fisch wo 15 bis 25 cm lang werd. Si het e bruu-geele Körper mit schwarze Flecke. A de Oberlippe het si vier Bartle.
D Hundsbarbe isch en endemischi Art, wo im Iizugspiet vom Po vorchunnt. Si mag schnelli Flüüssgwässer mit eme chiisige Grund i de süüdliche Voralpe und im Apennin.
D Hundsbarbe isch e Bodefisch wo Waichtier fresst. D Laichzitt goot vom Mai bis in Juli. De Laich werd öber eme guet dorströömte chiisige Grund abglait. Mandli sind noch aim Joor, Wiibli noch zwai Joor gschlechtsriif. Hundsbarbe chönd 5 Joor alt were.
D Hundsbarbe (Barbus caninus) isch e Süesswasserfisch wo nu z Norditalie und im Tessin haimisch isch. Si ghöört zo de gföördete Fischarte.
