De Goldflege oder Goldfleeg (Lucilia sericata) is en Flege ut de Familie vun de Brummers (Calliphoridae). Se is in Europa un Asien tohuse.
Dat Lief vun de Flegen warrt 7 bit 11 Millimeters lang un glimmert goldgröön. De veerte Langsader vun de Flunken is scharp afknickt.
Dat Seken leggt siene Eier sunnerlich up Aas af. Dor freet de Budden denn vun. De adulten Flegen suugt an Aas, man se fleegt ok na Blöten hen un suugt dor Nektar ut.
De Budden vun de Goldflege sünd in'n Hannel as Pinky Maden to kriegen. Den Naam hefft se vun de Budden ehre rosa (pinke) Farv her. Pinkies weert as Lockspies bi't Angeln un ok as Foder in de Terraristik bruukt, sunnerlich as Foder for Insekten.
Sterile Pinky Maden weert in Speziallabore tücht un könnt in de Wundtherapie insett weern, liek as de Buddentherapie. Nadem dat Penicillin utfunnen wurrn weer, is düsse Aart vun Behanneln torüchgahn, man siet en Reeg vun Johren kummt se wedder torüch in de mediziensche Praxis, vunwegen datt se goot hölpen deit un ok bi Antibiotikum-Resistenz antowennen is.
De Goldflege oder Goldfleeg (Lucilia sericata) is en Flege ut de Familie vun de Brummers (Calliphoridae). Se is in Europa un Asien tohuse.